(no title)
Новости
ҮГҮЛЭЭККЭ – “ЭР ХОҺУУН”… Нэһилиэкпитигэр “Кыһыны атаарыы” бырааһынньык чэрчитинэн тэриллибит “ЭР ХОҺУУН” күрэхпитигэр уопсайа 8 эр бэрдэ кытынна, хас биирдии түһүмэх олус тыҥааһыннаахтык барда, халлааммыт хата туран биэрдэ, көрөөччү даҕаны элбэх, онон тэрээһиммит табылынна, үрдүк таһымҥа ааста диэххэ сөп… 5 киһиттэн турар суудьуйалар хамыыһыйаларын быһаарыытынан, түһүмэхтэр кыайыылаахтарынан буоллулар: 1.Маамыктаны быраҕыыга (2 мүн.иһигэр ким төһөтө таба бырахпытынан) – Максимов Ньургун. 2.Босдуусканнан сыалы ытыыга (10 м. ыраахтан 1 мүн. туран эрэн биэстэ,1 мүн.олорон эрэн биэстэ ытан ким элбэх очукуону ылбытынан) – Семенов Константин. 3.Ох саанан сыалы ытыыга(20 м. сиртэн биирдэ ытан ким ханнык сыалы таба ыппытынан) – Максимов Ньургун. 4.Гиирэни ыраахха быраҕыыга(туран эрэн биирдиитэ быраҕан ким төһө ырааҕы бырахпытынан) – Яковлев Анатолий. 5.”Өркөн өй” таайбараҥҥа(5 мүн. иһигэр 15 ыйытыктан ким төһө элбэҕи таайбытынан) – Иннокентьев Алексей. 6.Бураанынан күрэхтэһиигэ(бары бииргэ хоҥнон, 1 км. уһуннаах,моһоллордоох эргиири ким хаһыс кэлбитинэн) – Семенов Константин. ТҮМҮК: Икки бастыҥ уолбут күрэхтэһии түмүгүнэн көрдөрүүлэрэ тэҥнэһэн тахсыбытыгар, суудьуйалар сүбэлэһэн баран, хаачыстыбанан(түһүмэхтэргэ ким бастакы миэстэтэ элбэҕинэн)быһаарыы буолла, онон 1 миэстэҕэ тахсан, “ЭР ХОҺУУН” ааты ылла – Максимов Ньургун уонна Аҕа дойду Улуу сэриитин кыттыылаахтара, убайдыы-бырааттыы, Капитон Петрович, Семен Петрович Луукуттар оҕолоро, сиэннэрэ туруорбут “ReguLМото RM-5” матаһыыкылынан наҕараадаланна. 2 бочуоттаах миэстэҕэ таҕыста – Жучкин Александр уонна Аҕа дойду Улуу сэриитин кыттыылаахтара, убайдыы-бырааттыы, Сергей Макарович,Дмитрий Макарович уонна Самсон Макарович Маайыһаптар оҕолоро, сиэннэрэ туруорбут “Булчут” маҕаһыынтан атыылаһарга аналлаах, 33 000 солкуобай суумалаах Сэртипикээтинэн наҕараадаланна. 3 бочуоттаах миэстэҕэ таҕыста – Семенов Константин уонна Аҕа дойду Улуу сэриитин кыттыылааҕа, Алексеев Егор Михайлович оҕолоро, сиэннэрэ туруорбут “Модун” маҕаһыынтан атыылаһарга аналлаах,15 000 солкуобай суумалаах Сэртипикээтинэн наҕараадаланна. Миэстэлэспэтэх кыттааччыларга барыларыгар Олохтоох дьаһалта туруорбут, “Булчут” маҕаһыынтан атыылаһарга аналлаах, 2800 солкуобай суумалаах Сэртипикээттэр туттарылыннылар. Манна эбии күрэхтэспит сорох уолаттарга аймахтара, бииргэ үлэлиир дьонноро бэйэлэрин бэлэхтэрин туттардылар. Күрэхтэһии сүрүн суудьуйата Б.Н.Иванов. 11.04.2026. Үгүлээт нэһилиэгэ.
Муус устар 5-6 күннэригэр Мастаах сопхуос төрүттэммитэ 65 сылыгар аналлаах алта нэһилиэк кыттыылаах Үгүлээт,Тылгыны,1Күүлэт,Балаҕаччы,Халбаакы, Хаҕын Ньурба улууһун Маар нэһилиэгэр,Үөһээ Бүлүү улууһугар гастролга сырыттыбыт.Күндү көрөөччүлэрбитигэр махтал буоллун!
Эр хоһуун күрэх.Муус устар 11 кунэ
Новости
Новости
(no title)