Маисов Макар Семенович ахтыыта
Мин өйдүүрбүнэн 1968 сыллаахха саас ВИА-5а уолаттар кэлтэрэ. Харлампьев Василий, Чабыев Коля, Дьарааһын уола- аатын умнубуппун,Николай Николаевич Семенов быһыылаах. Кулуупка ансамбль тэринэн сүүрэр-көтөр этилэр. Онно аан бастаан твистииллэр этэ репетициялыы сылдьаннар. Онно Василий үҥкүүлүүрүн сөҕө көрбүппүн өйдүүбүн. Биһиги интернат уолаттара үөрэнэн бүтэн баран уроук ааҕыыта буолуор дылы ону көрө тахсааччыбыт. Онтон концертаабыттара быһыылаах этэ мин өйдүүрбүнэн. 1967 сыллаахха Улуу Өктөөп үбүлүҕйүгэрити саҥа кулууппут үлэҕэ кииртэ. Онно кулууп сэбиэдиссэйэ Петр Павлов-Күлбэкэ этэ. Лидия Федоровна библиотекардыыра. Библиотекаҕа төһө да баппат аатырдардарбыт куруук сылдьарбыт. Онно аан бастаан Фенимор Купер индеецтэрин аахпытым, эдьиийбит наһаа үчүгэйдик быһааран кинигэ ааҕарга үөрэтэрэ. Кулбэкэ оскуола оҕолоругар драм куруһуок ыытара.Онно аан бастаан сценическай культура инин диэн өйдөбүллэри билбитим. Лоокуут уонна Ньургуһун диэн пьесаҕа Мөлчөс оруолун оонньоон хайҕана сылдьыбыттаахпын. Ол кружоктан ити Битээстээх (Федоров Виталий Афанасьевич) Ылдьаа( Афанасьев Илья Ильич) тахсаннар салгыы оонньуур этилэр. Мин атын сиргэ ахсыс кылааска үөрэнэ барбытым.
Сэмэн Каратаев ыллыырын көрбөтөҕүм. Ол оннугар Баһылай Каратаев –олоҥхоһут дьэ ыллааччы уонна кулуупка Ленини уруһуйдаабыта. Филиппова Тамара, Зинаида Евсеевна Павлова наһаа үчүгэйдик ыллыыр этилэр. Атасова Альбина, Степан Лукич кэргэнэ Дария Бочарова (Павлова). “Танцевать я совсем не хочу” диэн ырыаны бүрүүкэлээх, көстүүмнээх , хара ачыкылаах, шляпалаах тахсан ыллаабыта сонун этэ. Хаптыров Сергей “Өрүөлчээн туһунан” кылгас пьеса диэххэ дуу суруйан ону Тириэтийгэ ( 3 Куулэт) , Үгүлээккэ көрдөрбүттэрэ ол сонун этэ.