Култуура сайдыытыгар суду кылаатын киллэрэр
Афанасьева Парасковья Дмитриевна 1951 сыллаахха сэтинньи 19 кунугэр Булуу оройуонун Үгүлээт нэһилиэгэр төрөөбутэ.
Парасковья Дмитриевна “Күбэйэ” эбээлэр түмсүүлэрин салайааччыта сцена бэтэрээнэ, Үгүлээт нэһилиэгин бочуоттаах олохтооҕо, үлэ бэтэрээнэ, эдэр эрдэҕиттэн биһиги нэһилиэкпит биир киэн туттар киһитэ буолар. Нэһилиэккэ, улууска, өрөспүүбүлүкэҕэ , Аан дойдуга ыытыллар араас көрүҥнээх конкурстарга, саха норуотун ырыата-тойуга тар5анарыгар, уйэтитэргэ, тыа сиригэр култуура сайдыытыгар элбэх сыратын уурар. 2009 сыллаахха бэйэтин баҕатынан «Күбэйэ» эбээлэр түмсүүлэрин нэһилиэккэ тэрийбитэ. Онус сылын бу түмсүүнү ситиһиилээхтик салайан элбэх улуустаа5ы, өрөспүүбүлүкэтээҕи,бутун Россиятаа5ы, Аан дойдутааҕы куонкурустарга кыттан үрдүк ситиһиилэнэн Саха сирин, Үгүлээт нэһилиэгин аатын элбэхтик ааттатта. 2010 сыллаахха Бүлүү куоратыгар «Умнуллубат куоластар» диэн улуустааҕы кэнсиэркэ ыҥырыллан кыттыыны ылбыта. 2013 сыллаахха биир дойдулаахпыт этнограф, фольклорист П.Е.Ефремов 80 сааһыгар аналлаах өрөспүүбүлүкэтээҕи научнай-практическай конференцияҕа аахпыт дакылааттара учуонайдар биһирэбиллэрин ылбыта. 2014 уонна 2017 сылларга Аан дойдутааҕы этнофольклор «Северная радуга» бэстибээлигэр «Күбэйэ» эбээлэр ансаамбыллара дипломан уонна 2-с истиэпэннээх лауреат урдук аатын ылбыта. 2016 сыллаахха Парасковья Дмитриевна сүүрэн-көтөн НВК Саха «Үчүгэйиэн бу сиргэ» биэриитигэр түмсүүнэн баран кыттыбыттара.
2017 сыллаахха кини салалтатынан «Кубэйэ” эбээлэр ансаамбыллара саха бастакы композитора Марк Жирков үбүлүөйүгэр аналлаах улуустааҕы ырыа куонкуруһугар 1 истиэпэннээх лауреат, Аан дойдутааҕы «Алтын-Майдан» бэстибээлгэ бастакы миэстэ буолбуттара. 2018 сыллаахха Москуба куоракка Аан дойдутаа5ы норуот ырыатын курэ5эр кыттан 1 степеннээх лауреат, 2019 сыллаахха Санкт-Петербург куоракка Аан дойдутаа5ы “Северная радуга” бэстибээлгэ 1 степеннээх лауреат буоллулар.
Парасковья Дмитриевна нэһилиэккэ ыытыллар кэнсиэртэргэ куруук кэрэ куоластаах ырыатынан кыттан дьонун-сэргэтин үөрдэр. Кини саха ырыатын үүнэр көлүөнэҕэ тарҕатан, биһирэбиллэрин ылан элбэх ыччаты ырыаҕа уһуйда. Ону таһынан эдэр көлүөнэни төрөөбүт дойдуга бэриниилээх буоларга иитиигэ үлэтин иһин Бүлүү улууһун салалтатыттан хас да «Бочуотунай грамотанан”, тустаах үлэтигэр ситиһиилэрин иһин нэһилиэк, улуус, өрөспүүбүлүкэ «Махтал суруктарынан” наҕараадаламмыта. 2017 сыллаахха кулун тутар 29 кунугэр Бүлүү улууһун баһылыгын «За заслуги в сфере культуры и духовности Вилюйского улуса РС (Я)» диэн знагынан на5араадаланна. 2018 сыллаахха Угулээт нэьилэгэр.
Парасковья Дмитриевна элбэх о5о иһирэх ийэтэ, эйэҕэс эбээтэ. Дьахтар, ыал ийэтэ, киьи быһыытынан олорор олоҕунан, дьоҥҥо-сэргэҕэ, үлэҕэ, төрөөбүт дойдуга, төрүт култуураҕа сыьыанынан барыбытыгар холобур буолар.