Ахсынньы 7 кунугэр Дьокуускай куоракка Угулээттэр киэн туттар ытыктыыр киьибит биллиилээх фольклорист этнограф Прокопий Елисеевич Ефремов тереебутэ 90 сылын бэлиэтиир тэрээьин буолан ааста. Бу тэрээьини Угулээт олохтоох дьаьалтата А5ыйах ахсааннаах хотугу норуоттар кыьал6аларын уерэтэр Гуманитарнай чинчийэр институт салалтатын кытта субэлэьэн ыыттылар. Бу кун сарсыарда еттугэр Гуманитарнай чинчийэр институт актовай саалатыгар 40 тахса киьи, Угулээттэн тиийбит делегация, биллиилээх наука дуоктардара,  учуонайдар, Дьокуускай куоракка олорор биир дойдулаахтарбыт, П.Е.Ефремов аймахтара мустан тегурук остуол тэрийэн элбэх кэпсэтии, докладтар ыытылыннылар. Тегурук остуол са5аланыытыгар Институт директора Сардана Ильинична Боякова тыл этэр кэмигэр П.Е.Ефремов онорбут ыыппыт улэтэ республика5а суду улахан суолталаа5ын, билинни кэмнэ да5аны туьанылла сылдьарын бэлиэтээтэ. Угулээт нэьилиэгин баьылыга О.И.Лукин П.Е.Ефремов 90 сааьын бэлиэтиир тэррэьиннэ кэлбит дьону э5эрдэлээн тыл эттэ,  П.Е.Ефремов утуе аатын уйэтэтиигэ туох улэ ыытылларын уонна салгыы туох улэ былааннанарын кэпсээтэ, ону таьынан Гуманитарнай чинчийэр институт директорыгар П.Е.Ефремов портрета ойуулаах анал бэлиэни, Угулээттэр диэн кинигэни махтал суругу туттарда.    Салгыы  филология наукатын дуоктара, фольклорга уонна дитература салаатын уерэтэр отдел салайааччыта Покатилова Надежда Володаровна П.Е.Ефремов научнай улэлэрэ ессе да кинигэ буолан бэчээттэнэн  тахсарыгар уп харчы керуллэригэр наадатын эттэ, П.Е.Ефремов бииргэ улэлээбит до5оро Василий Васильевич Илларионов кини туьуна уьун ахтыыны онордо, историческай наука дуоктара, профессор Бравина Розалия Иннокетьевна сурдээх интэриэьинэй доклад П.Е.Ефремов туьунан эрэ буолбакка Угулээппит биир беден Аан дойдуга биллибит этнограф учуонайбыт Попов Андрей Александрович туьунан кэпсээбитин Тегурук  остуол кыттыылаахтара се5е иьиттибит, биьиги нэьилиэктэн И.В.Яковлев аатынан оскуола научнай улэ5э  завуьа Т.Н. Алексеева доклад онорон,  Л.Н.Кузнецова салайааччылаах » Дьурускэн» о5олор фольклорга ансаамбыллара хомуска оонньоон бу тэрээьиннэ кытыннылар, Кубэйэ эбээлэр тумсуулэрин ырыа6а ансаамбыла П.Е.Ефремов хомуурунньугуттан ырыаны толорон сургэбитин кетехтулэр. Салгыы биир соьуччу сонуну  историческай наука дуоктара Романова Екатерина Назаровна бэйэтин докладыгар онорбутун иьиттибит…ол курдук Попов А.А. улэлээбит Кунсткамера Санкт Петербурга улэьиттэрэ биьиги угулээттэр кердеьуубутун толороннор Андрей Александрович кемус унуо5а кемуллэ сытар сирин буланнар дойдутун буорун уурбуттарын уонна унуо5ун штакетнигын краскалаан сергутэн биэрбиттэрин кэпсээтэ. Онон биир дойдулаахпыт беден учуонай этнограф Попов А.А. кемус унуо5а Богословскай кладбище5а кистэммитэ билиннэ. Тегурук остуолга биьиги биир эрэнэр эдэр учуонайбыт, Попов А.А , Ефремов П.Е. улэлэрин утумнааччы, о5о эрдэ5иттэн фольклору уерэппит филологическай наука кандидата бэйэбит кыыспыт Ангелина Афанасьевна Кузьмина сурдээх интэриэьинэй доклады онордо.. Тегурук остуолбут улэтэ  бутуутугэр филологическай наука дуоктара, Саха сирин бочуоттаах олохтоо5о суруйааччы Гавриил Николаевич Курилов видеосибээьинэн тахсан угулээттэри э5эрдэлээтэ, чугас до5орун П.Е.Ефремовы утуе тылларынан а5ынна. Тумуккэ Попов А.А. 2027 сылга 125 сааьын туолар уьулуейугэр бэлэмнэнэн, П.Е. Ефремов уонна А.А. Попов бэчээккэ тахсыбакка хаалбыт улэлэрин кинигэ гынан таьаарарга Гуманитарнай чинчийэр институт Угулээт олохтоох дьаьалтата бииргэ улэлииргэ бэлэмнэрин иьитиннэрдилэр, ону таьынан Булуу улууьун дьаьалтатын кытта соглашение туьэрсэн улэлиэххэ наада диэн быьаарыы ылынныбыт. Киэьээ еттугэр Эстрада театрын киэн саалатыгар П.Е.Ефремов аймахтарын, бииргэ улэлээбит дьонун, Угулээттэн теруттээх кырдьа5астарбытын кытта керсуьуу онорон элбэх музыкальнай э5эрдэлэри утуе тыллары иьиттибит. Эстрада театрын художественнай салайааччыта бэйэбит кыыспыт Герасимова Мария Николаевна бэйэтинэн бу дьоро киэьэни иилээн са5алаан ыыппытыгар, бэйэтэ кэпсэтэн бу киэьэ бииртэн биир эстрада Сулустара ол иьигэр биир дойдулаахтарбыт Клавдия, Герман Хатылаевтар, Эрчим тахсан ыллаабыттарыгар биьиги бар5а махталбытын тиэрдэбит.

Google+ Linkedin

Добавить комментарий

Ваш адрес email не будет опубликован. Обязательные поля помечены *

*

*

*