Monthly Archives: Февраль 2024

Олунньу 24 кунугэр Угулээт нэьилиэгэр улуус урдунэн ыытыллыбыт аьымал акция5а анаан ыытыллыбыт «Икки сулус» ырыа курэ5э буолан ааста. Барыта алта дуэт кытынна: Антонина Борисова , Харысхал Григорьев; Эльдар уонна Айдамир Харлампьевтар; Варвара Иванова, Юра Петров; Мария уонна Коля Донскойдар;Антон Васильев,Виолетта Петрова; Вера Атасыкова, Эрсан Алексеев.Курэхпит тумугунэн маннык буолла: 3 миэстэни ыллылар Мария, Коля Донскойдар, 2 миэстэ Антон Васильев уорэнээччитинээн Виолетта Петровалыын, 1 миэстэ Вера Атасыкова-Маисова быраатынаан Эрсан Алексеевтыын. Кыттыбыт дьоммутугар, о5олорго махтал буоллун! Бары дьоллоох, доруобай буолун!

Олунньу 23 күнүгэр КСК «Сайдам» дьиэтигэр «Эр хоһуун» күрэх буолан ааста.Күрэххэ 4 эр хоһуун кытынна.Барыта 7 түһүмэхтээх ыытылынна.Түмүккэ. 3 миэстэ Ян Мандаров,2 миэстэни Жучкин Александр уонна Николаев Семен ыллылар.1- кы миэстэни Васильев Антон.Уолаттарга сыаналаах бириистэр бэрилиннилэр.Кыттыбыт эр хоһууннарга махтал✊🏻✊🏻✊🏻✊🏻

Олунньу 19 күнүгэр Бүлүү улууһун 2 күүлэт нэһилиэгэр биир дойдулаахпыт Афанасьев Василий Прокопьевич сырдык кэриэһигэр буулдьаннан ытыы күрэһигэр биһиги нэһилиэкпит ытааччылара ситиһиилээхтик кытыннылар.Ол курдук кыргыттаргак Колтовская Аня 1 миэстэ,дьахталларга Спиридонова Надежда 1 миэстэ.Уопсай түмуккэ Үгүлээт хамаандата бастакы миэстэ буоллулар.Тэрийээччилэргэ барҕа махтал буолуохтун!

Ат симэ5э Атасыкова -Маисова Вера Семеновна

Бу күннэргэ Булуу улууьун Угулээт нэһилиэгин баһылыга,Октябрь Иванович Лукин дойдубут тэбэр сурэ5эр,Москуба куоракка тиийэн нэһилиэкпит сайдыытыгар олус суолталаах,кыһалҕалаах боппуруостарбытын быһааттараары Сахабыт сириттэн Судаарыстыбаннай дуумаҕа дьокутааттарбытын улэ быьыытынан көрсүтэлээн кэпсэттэ. Дьокутааттар, П.Р.Аммосов суол боппуруостарынан дьарыктанар кэмитиэккэ үлэлиир буолан суолбут-ииспит өттүгэр, С.В.Авксентьева Г.И.Данчикова национальнай статуспут олоххо киириитигэр, Ф.С.Тумууһап балыыһабыт уонна кулууппут тутуутугар көмөлеьүөх, өйүөх буолбуттар. Ону таһынан Роскосмос үлэһиттэрин кытта көрсөн кэпсэттэ,инники үлэлэрин барылын туоһуласта. Ааспыт саас 50 миэстэлээх саҥа,таас оҕо уһуйаана арыллыытыгар Үгүлээккэ кэлэ сылдьыбыт Арассыыйа дьоруойа,космонавт,Москуба куорат дууматын дьокутаата О.Г.Артемьевтыын көрсөн,оҕолор сааскы өрөбүллэрин кэмигэр оскуолабыт туйгун үөрэнээччилэрин уонна СВО кыттыылаахтарын оҕолорун,уопсайа тоҕус оҕону икки салайааччылаах Москубаҕа күүлэйдэтии барылын торумнастылар,ол иһигэр Звезднай городокка,Космонавтика түмэлигэр,Патриоттар пааркаларыгар уонна ВДНХ павильонугар сырытыннарыыны… Орто Түҥ гаастаах сирэ туһаҕа таһаарыллан нэһилиэкпит бастакыннан гаастанарыгар сүҥкэн оруоллаах,ол саҕана СТНГ Генеральнай дириэктэринэн,Ил Түмэн дьокутаатынан үлэлии сылдьыбыт И.А.Корневы көрсөн, өссө инньэ 2009 сыллаахха киниэхэ «Үгүлээт нэһилиэгин Бочуоттаах олохтооҕо» аат иҥэриллэрин туһунан нэһилиэк Сэбиэтин дьокутааттарын Уурааҕын кытта, анал Бэлиэни туттарда. Таарыйа диэн эттэххэ, Октябрь Иванович Москубалаан иһэн Дьокуускайга Ил Түмэн бэрэссэдээтэлэ А.И.Еремеевы кытта көрсөн,нэһилиэкпит кыһалҕаларын быһааттарарга туруорсан ааспыта, суол-иис,сайыҥҥы өттүгэр дьон сырыыта, «Ыраас уу» бырагырааммаҕа киирэрбитигэр бырайыагын оҥотторууга уонна ууну ыраастыыр ыстаансыйа тутуутун үбүлээһин боппуруостарыгар… Дьэ,ити курдук баһылыкпыт дойдутун,дьонун туһугар ыраах сиргэ тиийэн,тустаах дьоннуун көрсөн туһалаах кэпсэтиилэри ыыта сылдьар…